Об устранении семейных неурядиц
Мученикам Гурию, Самону и Авиву
Тропарь, глас 5-й
Чудеса святых Твоих мученик стену необориму нам даровавый, Христе Боже, тех молитвами советы языков разори, Церковь святую укрепи, яко един Благ и Человеколюбец.
Кондак, глас 2-й
С высоты, мудрии, благодать приемше, сущим во искушениях предстоите, всехвальнии. Тем же отроковицу, святии, от смерти горький избависте, вы бо воистинну есте Едесу слава и миру радость.
Молитва
О преславнии мученицы Гурие, Самоне и Авиве! К вам, яко скорым помощником И теплым молитвенником, мы иемощнии и недостойнии прибегаем, усердно моляще: не презрите ны, во многая беззакония впадшия к по вся дни и часы согрешающия, наставите на путь правый заблуждшия, исцелите страждущия и скорбя- щия, соблюдите ны в непорочнем и целомудреннем житии, и якоже древле, тако и ныне покровителие супру- жеств пребудите, в любве и единомыслии сия утверждающе и от всех злых и бедственных обстояний иэбавляю- ще. Защитите, о многомощнии исповедницы, вся правос- лавныя христнаны от напастей, злых человек и козней демонских, оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете. Сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь.
О даровании терпения
Господу Иисусу Христу
О Дивный Создателю Человеколюбивый Владыко, многомилостивый Господи! С сердцем сокрушенным и смиренным сице молю Тя: не вовгнушайся грешнаго моления моего, не отрини слез МОИХ И воздыхания, услыши мене, якоже Хананею, не презри мене, якоже блудницу, яви и на мне, грешнем, великую милость человеколюбия Твоего, ризою Твоею честною защити, помилуй и подкрепи мя, да вся посылаемыя от Тебе беды и напасти со благодарением в надежде вечных благ претерплю: изряднее же печаль мою на радость претвори, да не в отчаяние впаду и погибну аз, окаянный. Ты бо еси источник милости и непостыдная спасения нашего надежда, Христе Боже наш, и Тебе славу возсылаем со Безначальным Твоим Отцем и с Пресвятым и Благим и Животворящим Твоим Духом, ныне и присно идо веки веков. Аминь.