Во всякой семейной и бытовой нужде

Блаженной Ксении Петербургской

Тропарь, глас 7-й

Нищету Христову возлюбивши, безсмертныя  трапезы ныне наслаждаешися, безумием мнимым безумие  обличивши, смирением крестным силу Божию восприяла еси. Сего ради дар чудодейственныя помощи стяжавшая, Ксение блаженная, моли Христа Бога избавитися нам от всякаго зла покаянием.

Иной тропарь, глас 6-й

Мудрость высшую союза брачнаго разумевая, раба Божия Ксение, Боговенчанный брак уцеломудрила еси,: 
тем плоды покаяния возрастила еси, блаженство о Христе, яко талант преумножив, заимодавцу Благому возврати, Той же богатством чудес тя одари, недуги целити и души спасати поминающих тя.

Кондак, глас 3-й

Днесь светло ликует град святаго Петра, яко множество скорбящих обретают утешение, на твоя молитвы надеющися, Ксение всеблаженная, ты бо еси граду сему похвала и утверждение.

Иной кондак, глас 1-й

Юродством о Христе суемудрия века устранися, странствуя к Царству Премирному, Андрееэвавшаяся, одежды падения праматери совлеклася еси, поругания порфиру царскую стяжала еси, темже совершенную любовь твою ублажаем, раны сострадательный твоя лобызаем, юродство Крестное твое величаем, мати блаженная Ксение.

Молитва

О препростая образом жития своего, бездомная на земли, наследнице же обителей Отца Небеснаго, блаженная страннице Ксение!
Якоже прежде к надгробию твоему недужнии и скорбний припадавшии и абие утешениями исполняемии, сице ныне и мы (имена), обуреваемии тлетворными обстоянии, к тебе прибегающе, с надеждою просим: помолися благая небошественнице, дабы исправилися стопы наша по словеси Господню к деланию заповедей Его, и да упразднилося богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние.
О блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любви в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чисти- тельней бане покаяния, яко да всехвально воспевающе память твою, прославим в тебе чудодействующего Отца и Сына и Святаго Духа, Троицу Единосущную и Нераздельную во веки веков. Аминь.

 

Joomla Template: from JoomlaShack