МОЛИТВЫ СВЯТЫМ В БОЛЕЗНЯХ И ПЕЧАЛЯХ КАНОН ЗА БОЛЯЩЕГО

Ирмос: Пресекаемое море жезлом древле, Израиль прой­де яко по пустыни, и крестообразно яве предуготовляет сте­зи. Сего ради поим во хвалении чудному Богу нашему, яко прославися.

Запев: Милостиве Господи, услыши молитву раб своих, молящихся Тебе.

В день печали, нашедшия на ны, к Тебе, Христе Спасе, припадающие, Твоея милости просим. Облегчи болезнь раба Твоего, изреки нам яко сотнику: иди, се здрав есть отрок твой.

Мольбы и моления, с воздыханием к Тебе вопием, Сыне Божий помилуй нас. Воздвигни со одра лежащего, яко расслабленнаго словом: возьми одр твой, глаголя, отпущаются ти греси твои.

Слава: Твоего, Христе, образа подобию поклоняющеся, верою целуем, и болящему здравия просим, подражающе кровоточивей, яже подольца риз Твоих коснуся, и исцеле­ние недуга прият.

Иныне: Пречистая Госпоже Богородице, всем известная Помощница, не презри нас к Тебе припадающих, моли яко блага Своего Сына и Бога нашего, дати здравие болящему, да Тя с нами прославляет.

 

Песнь 3

 

Ирмос: Иже от не сущих вся приведый, словом созидае­мая, совершаемая духом, Вседержителю Вышний, в любви Твоей утверди мене.

Иже от тяжких болезней на земли повержен, к Тебе, Христе, с нами вопиет, подаждь здравие телеси его, яко же Иезекии плакавшуся к Тебе. Призри, Господи, на наше сми­рение, и не помяни беззаконий наших, но веры ради боля- щаго, яко прокаженнаго словом исцели ему болезнь, да Твое, Христе Боже, славится Имя.

Слава: Церковь, юже еси освятил, на ту, Христе, не даждь поношения, но воздвигни невидимо в недузе на одре лежащего, в нейже молимтися: да не рекут невернии, где есть Бог их.

И ныне: К твоему пречистому, Богородице, образу руце воздеюще вопием, услыши раб Твоих молитву и спаси в бо­лезни лежащего, да от болезни восстав, воздаст обеты, яже в печали глаголаша уста его.

 

Седален, глас 8

 

На одре греховнем лежаща мя, и страстьми уязвена, и якоже воздвигл еси Петрову тещу и спасе разслабленнаго носима со одром, тако и ныне посети , Милостиве, болящаго, понесый недуги рода нашего. Тебе Единаго вемы, терпе­лива и милосерда, милостива врача душам и телесем, Хри­ста Бога нашего, наводяща недуги и паки исцеляюща, подавающа прощение кающимся о согрешениих, Единаго Милосердаго и Милостиваго.

Слава: Аз грешный плачуся на одре своем лежа, проще­ние ми подаждь, Христе Боже, и от болезни сея воздвигни мя, и яже есмь от юности грехи сотворил, избыти ми сих молитвами Богородицы сих даруй.

И ныне: Умилосердися и спаси мя, воздвигни мя от одра болезненнаго, мощь бо моя во мне изнеможе и весь нечая­нием одержим есмь, Мати Божия Пречистая, исцели неду- гующа люте, Ты бо еси помощница Христианом.

 

Песнь 4

 

Ирмос: Положил еси к нам твердую любовь Господи: Единороднаго бо Твоего Сына за ны на смерть дал еси, тем- же Ти зовем благодаряще: слава силе Твоей Господи.

Уже отчаянна лютым недугом и к смерти приближившася, возврати, Христе, на живот и даждь плачущимся утеху, да вси прославляем Твоя святая чудеса.

В Тебе, Творче, каемся во своих гресех, яко не хочиши смерти грешничи, оживи, уздрави болящаго, да востав по­служит Ти, исповедуя с нами Твою благость.

Слава: Слезы Манасиины, Ниневитян покояние, Дави­дово исповедание приим, вскоре спасл еси, и наши молит­вы ныне приими, даждь здравие болящему, о немже Тя мо­лим.

И ныне: Подаждь нам Твою милость, Госпоже, всегда на Тя надеющимся, испроси здравие болящему, врачебнеи Твои руце с Предтечею, Богородице, ко Господу Богу простирающи.

 

Песнь 5

 

Ирмос: На земли невидимый явился еси, и человеком волею сожил еси непостижимый, и к Тебе, воспеваем Тя, Чел овеколюбче.

Дщерь Иаирову уже умершу ,яко Бог оживил еси, и ныне возведи, Христе Боже, от врат смертных болящаго, Ты бо еси путь и живот всем.

Сына вдовича оживив Спасе, и тоя слезы приложив на радость приидет.

Слава: Огненну болезнь тещи Петрове прикосновением Твоим исцелив, и ныне востави болящаго раба Твоего, да востав яко Иона, послужит Ти.

И ныне: Скорбнии, смиреннии, грешнии, не имущии дерзновения к Тебе, Пречистая Богомати, вопием, умоли Сына Своего Христа дати болящему здравие телеси.

Песнь 6

 

Ирмос: Бездна последняя грехов обыде мя, исчезает дух мой: но прострый, Владыко, высокую Твою мышцу, яко Петра мя, Управителю, спаси.

Бездну милосердия и милости имея, Христе Боже, ус- лыши моления раб Твоих. Ты бо еси Петром Таифу воскре­сив, Ты и ныне в болезни лежащего воздвигни, послушав церковных молитвенник.

Врачу душам и телесем нашим, понесый недуги всего ми­ра, Христе, и Енея Павлом исцеливый, Ты и ныне боляща­го исцели святых Апостол молитвами.

Слава: Преложи, Христе, на радость рыдание о недуж­ней, скорбящем, да Твою получивши милость, внидут в дом

Твой со обетными дарами,славяще Тя в Троице Единаго Бога.

И ныне: Приидите, о друзи, поклонимся молящеся о бо­лящем Божией Матери. Та бо имеет власть недужныя исцеляти. Со безмездникома вкупе, духовным невидимо помазающе маслом.

 

Кондак глас 3

 

Душу мою, Господи, во гресех всяческих, безместными деяньми разслаблену воздвигни божественным Своим че­ловеколюбием, яко же разслабленнаго воздвигл еси древле, да зову Ти спасаем: щедре Христе, даждь ми исцеление.

Икос: Иже руки Своея горстию содержай концы, Иису­се Боже, Иже Отцу собезначальный и Духу Святому совладычествуя яко плотию, явился еси недуги исцеляя и страс­ти очистил еси, слепыя просветил еси, и разслабленного словом Божественным совоставил еси, сего право ходяща сотворив и одр повелел еси на раму взяти. Тем же вси с ним воспеваем и поем: щедре Христе даждь ми исцеление.

 

Песнь 7

 

Ирмос: прежде образу златому, персидскому чтилищу отроцы не поклонишася.трие поюще посреде пещи: отцев Боже, благословен еси.

О, Кресте Пресвятый Христов, честное Древо Животное, Тобою смерть погибе и мертвии воскресоша, и ныне боля­щаго исцели и оживи, якоже при Елене умершую девицу.

Долгую и лютую болезнь Иовлю на гноищи и в червех, того молящася, словом исцелил еси, Господи. И ныне же в церкви о болящем молим Тя, яко благ исцели невидимо молитвами Святых Твоих.

Слава: Вси вемы, яко умрети нам есть, Тебе Богу тако изволившу, но на мало время, Милостиве, здравия просим болящему, приени от смерти на живот, даждь скорбящим утеху.

И ныне: Пособствуй и помогай нашему сиротству, Бого­родице, Ты бо веси время и час, когда умолити Сына Своего и Бога нашего, дати болящему здравие и прощение от всех грех.

 

Песнь 8

 

Ирмос: Служити Живому Богу, в Вавилоне отроцы пре- терпевше, о мусикийских органех нерадиша, и посреде пламене стояще, боголепую песнь воспеваху, глаголюще: бла­гословите вся дела Господня Господа.

Милость покажи, Вадыко, в болезни раба Твоего, и ско­ро исцели, милостиве Христе Боже, и еще смерти не предаждь судней, да Ти покаяние воздаст. Сам бо рекл еси избави ны.

Господи милостиве, Твоя преславная чудеся да идо нас ныне достигнут: бесы прожени, недуги погуби, раны исце­ли, болезни уврачуй, и потворы и чародеяния и всякия язи избави ны.

Слава: Запретивый, Христе, морским ветром, и страх ученик на радость преложивый, и ныне запрети тяжким болезням, труждающим раба Твоего, да вси возвеселимся хваляще Тя во веки.

И ныне: Избави, Богородице, от обышедших ны печалей, различных недуг, отравы же чародейства, и бесовскаго меч­тания и от навета злых человек и от смерти, молимтися.

 

Песнь 9

 

Ирмос: на Синастей горе виде Тя в купине Моисей, нео­пально огнь Божества заченшую во чреве: Даниил же Тя виде гору несекомую, жезл прозябший, Исайа взывше, от корене Давидова.

Источниче жизни, подателю Христе, милости, не отвра­ти лица Твоего от нас. Облегчи болезнь утружденному болезнию, и воздвигни яко Фадеем Авгаря, да присно Тебе славит со Отцем и Святым Духом.

Евангельскому верующе гласу, Твоего ищем обета, Хри­сте: просите, бо рече, и дастся вам. Тем и ныне предстояще молим Тя, востави со одра здрава лютым повержена неду­гом, да Тя с нами вкупе величает.

Слава: Мучимый недугом, внутрь невидимыми ранами, Тебе Христе, с нами вопием, не нам, Господи, не нас ради, вси бо мы исполнены грехов, но Матерними Твоими Предтечевыми молитвами даждь исцеление болящему, да Тя вси возвеличим.

И ныне: Божия Мати Пречистая, со всеми Святыми при­зываем Тя, со Ангелы и Архангелы, с пророки и патриар­хи, со Апостолы, с преподобными и праведными молися Христу Богу нашему дати здравие болящему, да Тя вси ве­личаем.

 

МОЛИТВА

(общая о здравии)

 

Боже, сильный, милостию строяй вся на спасение роду человеческому, посети раба Своего сего (имя), нарицающа имя Христа Твоего, исцели его от всякого недуга плотска- го: и отпусти грех и греховныя соблазны, и всяку напасть, и всяко нашествие неприязнено далече сотвори от раба Тво­его. И воздвигни от одра греховнаго, и устрой его во святую Твою Церковь здрава душею и телом, и делы добрыми славящаго со всеми людьми имя Христа Твоего, яко Тебе сла­ву возсылаем, со Безначальным Ти Сыном, и со Святым Духом, ныне и присно и во веки веков. Аминь.

Достойно есть яко воистину блажити Тя, Богородицу, Присноблаженную и Пренепорочную и Матерь Бога наше­го. Честнейшую Херувим и славнейшую без сравнения Се­рафим, без нетления Брга Слова рождшую, сущую Богоро­дицу Тя величаем.

Слава и ныне:

Господи, помилуй (3 раза )

Молитвами святых отец наших Господи Иисусе Христе Боже наш, помилуй нас.

Аминь.

Боже, очисти мя грешнаго и помилуй мя (поклон ).

Создавый мя Господи,помилуй мя (поклон).

Без числа согреших, Господи, прости мя (поклон).

Кресту Твоему поклоняемся, Владыко, и Святое Воскре­сение Твое славим (поклон ).

 

МОЛИТВА СВЯТОМУ ВЕЛИКОМУЧЕНИКУ

И ЦЕЛИТЕЛЮ ПАНТЕЛЕЙМОНУ

 

О святый великомучениче и целителю Пантелеймоне, Бога милостиваго подражателю! Призри благосердием и услыши нас грешных, пред святою твоею иконою усердие молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, люте одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь. Даруй убо всем нам святыми молитвами тво­ими здравие и благомощие дущи и тела, преспеяние веры и благочестия и вся к житию временному и ко спасению потребныя, яко да сподобившеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков.

 

Ему же, молитва вторая,

наедине от лица болящаго чтомая

 

О великий угодниче Христов, страстотерпче и врачу мно­гомилостивый, Пантелеймоне! Умилосердися надо мною грешным рабом, услыши стенание и вопль мой, умилостиви небеснаго, верховнаго врача душ и телес наших, Христа Бога нашего, да дарует ми исцеление от недуга, мя гнятущаго, приими недостойное моление грешнейшаго паче всех человек, посети мя благодатным посешением, не возгнушайся греховных язв моих, момажи тыя елеем милости твоея и исцели мя: да здрав сый душею и телом, остаток дней моих, благодатию Божиею, возмогу провести в покоянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу мое­му и спасение души моей, аминь.

 

МОЛИТВА О НЕДУЖНЫХ № 1

(при лихорадке, ранении, трясучей болезни,

болезни Паркинсона)

 

Владыко Вседержителю врачу душ и телес, смиряяй и возносяй, наказуяй и паки исцеляяй, брата нашего (имя), немоществующа посети милостию Твоею: простри мышцу Твою исполнену исцеления и врачебы; и исцели его, возставляяй от одра и немощи, запрети духу немощи, остави от него всяку язву, всяку болезнь, всяку рану, всяку огне­вицу и трясавицу: и аще есть в нем согрешение, или безза­коние, ослаби, остави, прости Твоего ради человеколюбия. Ей, Господи, пощади создание Твое во Христе Иисусе Гос­поде нашем, с нимже благословен еси. И с пресвятым и бла­гим и животворящим Твоим Духом, ныне и присно, и во веки веков. Аминь.

 

МОЛИТВА О НЕДУЖНЫХ № 2

(при любых болезнях)

 

Владыко Вседержителю, Святый Царю, наказуяй и не умершвляй, утверждаяй низверженная, телесныя человеков скорби исправляяй, молимся Тебе, Боже наш, раба Тво­его (имя), немощствующая посети милостию Твоею, про­сти ему всякое согрешение вольное и невольное, Ей, Госпо­ди, врачебную твою силу с небесе низпосли, прикоснися телеси, угаси огневицу, укроти страсть и всякую немощь таящуюся: буди врач раба Твоего (имя). Воздвигни его от одра болезненнаго, и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Аминь.

 

МОЛИТВА О НЕДУЖНЫХ № 3

(как при физических, так и при душевных болезнях, психических расстройствах)

 

Отче Святый, врачу душ и телес, пославый Единородно­го Твоего Сына, Господа нашего Иисуса Христа, всякий недуг исцеляющего, и от смерти избавляющего, исцели и раба Твоего (имя) от обдержащия его телесныя и душевныя немощи, и ожитвори его благодатию Христа Твоего: молитвами пресвятыя Владычицы нашея Богородицы, и Приснодевы Марии: предстательства честных небесных сил безплотных: силою честнаго и животворящего креста: честнаго славного пророка, предтечи и крестителя Иоанна: свя­тых славных и всехвальных апостолов: святых славных, и добропобедных мучеников; преподобных и богоносных отец наших: святых и исцелителей безсребреников, Космы и Дамиана, Кира и Иоанна, Пантелеймона и Ермолая, Сампсона и Диомида, Фотия и Аникиты: святых и праведных богоотец Иоакими и Анны, и всех святых.

Яко Ты еси источник исцелений, Боже наш, и Тебе сла­ву возсылаем, со единородным Твоим Сыном, и единород­ным Твоим Духом, ныне и присно, и во веки веков. Аминь.

 

МОЛИТВА О НЕДУЖНЫХ № 4

(общая ко Господу)

 

Блаже и человеколюбче, благоутробне и много милости­ве Господи, многий в милости и богатый в благостыни, Отче щедрот, и Боже всякого утешения, укрепивый ны святы­ми Твоими апостолами, елеем с молитвою немощи людей целити. Ей, Владыко, Господи Боже наш, молим Ти ея, всесильне, еже спасти вся ны, едине душ же и телес врачу, ос­вяти вся ны: всяк недуг исцеляяй, исцели и раба Твоего (имя), воздвигни его от одра болезненнаго милостию Твоея благости, посети его милостию и щедротами Твоими: отжени от него всякую болезнь и немощь, яко да востав рукою Твоею крепкою, поработает Тебе со всяким благодарением: яко да и ныне причащающий ея Твоего неизглаголаннаго человеколюбия, поем и славим Тя, творящего великая и чудная, славная же и изрядная. Твое бо есть, еже миловати, и спасати ны, Боже наш. Аминь.

 

МОЛИТВА О НЕДУЖНЫХ № 5

(о прикованных к постели больных)

 

На одре болезни лежащих (лежащего или лежащию), и смертною раною уязвленных (уязвленного или уязвлен­ную), якоже иногда воздвигл еси Спасе, Петрову тещу, и разслабленнаго на одре носимого; сиде и ныне милосердие, страждущих (страждущего или страждущую), посети и ис­цели: Ты бо един еси недуги и болезни рода нашего понесый и вся многий яко милостив.

 

МОЛИТВА О НЕДУЖНЫХ № 6

(к Богородице в любых болезнях)

 

Царице наша преблагая, надеждо наша Богородице, приятилище сирых, и странных предстательнице, скорбящих радосте, обидимых покровительнице, зриши нашу беду, зриши нашу скорбь: помози нам яко немощным, окорми нас яко странных: обиду нашу веси, разреши ту, яко волиши, яко не имамы иныя помощи разве Тебе, ни иныя предста­тельницы, токмо Тебе, Богомати, яко да сохраниши нас и покрывши, во веки веков. Аминь.

 

МОЛИТВА О НЕДУЖНЫХ № 7

(любой плотской болезнью)

 

Боже сильный, милостию строяй вся на спасение роду человеческому, посети раба Своего сего (имя ), нарицающа имя Христа Твоего, исцели его от всякого недуга плотскаго: и отпусти грех и греховныя соблазны, и всяку напасть, и всяко нашествие неприязнено далече сотвори от раба Тво­его. И воздвигни от одра греховнаго, и устрой его во святую Твою Церковь здрава душею и телом, и делы добрыми славящаго со всеми людьми имя Христа Твоего, яко Тебе сла­ву возсылаем, со Безначальным Ти Сыном и со святым Ду­хом, ныне и присно и во веки веков. Аминь.

 

МОЛИТВА ЗА НЕМОЩНОГО

И НЕСПЯЩЕГО № 8

 

Боже Великий, хвальный и Непостижимый, и Неиспо­ведимый, создавый человека рукою Твоею, персть взем от земли и образом Твоим почтивый его, явися на рабе Твоем (имя) и даждь ему сон успокоения, сон телесный, здравия и спасения живота, и крепость душевную и телесную. Сам убо, Человеколюбче Царю, предстани и ныне наитием да­руй ему здравие, крепость и благомощие, Твоею благостию: яко от Тебе есть всяко даяние благо и всяк дар совершен. Ты бо еси врач душ наших, и Тебе славу, и благодарение, и поклонение возсылаем со безначальным Твоим Отдем и Пресвятым и Благим и Животворящим Твоим Духом, ныне и присно и во веки веков. Аминь.

 

МОЛИТВА О НЕДУЖНОМ КО ГОСПОДУ

(болезни горла и дыхательных путей)

 

Отче Святый, врачу душ и телес, пославый Единород­ного Твоего Сына, Господа нашего Иисуса Христа, всякий недуг исцеляющего, и от смерти избавляющего, исцели и раба твоего ( имя) от обдержащия его телесныя и душевныя немощи, и ожитвори его благодатию Христа Твоего: мо­литвами пресвятыя владычицы нашея Богородицы, и При- снодевы Марии: предстательства честных небесных сил безплотных : силою честнаго и животворящего креста: честнаго славного пророка, предтечи и крестителя Иоанна: святых славных и всехвальных апостолов: святых славных добропобедных мучеников; преподобных и богоносных отец наших; святых исцелителей безсребренников, Космы и Дамиана, Кира и Иоанна, Пантелеймона и Ермолая, Сампсона и Диомида* Фотия и Аникиты; святых и праведных богоотец Иоакима и Анны, и всех святых.

Яко Ты еси источник исцелений, Боже наш, и Тебе сла­ву возсылаем, со единородным Твоим Сыном, и единород­ным Твоим Духом, ныне и присно и во веки веков. Аминь.

 

 

МОЛИТВА О НЕДУЖНЫХ

(при женских болезнях)

 

Блаже и человеколюбче, благоутробне и много милости­ве Господи, многий в милости и богатый в благостыни, Отче щедрот, и Боже всякого утешения, укрепивый ны святы­ми Твоими апостолами, елеем с молитвою немощи людей целити. Ей, Владыко, Господи Боже наш, молим ти ся, всесильне, еже спасти вся ны, едине душ же и телес врачу, ос­вяти вся ны; всяк недуг исцеляяй, исцели и раба Твоего (имя), воздвигни его от одра болезненнаго милостию Твоея благости, посети его милостию и щедротами Твоими; отжени от него всякую болезнь и немощь, яко да восстав рукою Твоею крепкою, поработает Тебе со всяким благодарением; яко да и ныне причащаясь Твоего неизглаголанного чело­веколюбия, поем и славим Тя, творящего великая и чуд­ная, славная же и изрядная. Твое бо есть, еже миловати, и спасати ны, Боже наш. Аминь.

 

 

 

 

МОЛИТВА БЕССРЕБРЕНИКАМ И ЧУДОТВОРЦАМ

КОСМЕ И ДАМИАНУ

(1/14 июля, 1/14 ноября)

 

Эти святые братья были образованными и искусными врачами; они никогда не брали платы за лечение, за что именуются бессребрениками. Телесные и душевные неду­ги они исцеляли прежде всего силой молитвы к Богу.

Молитва

 

О чудотворцы славнии, врачеве безмезднии, Космо и Дамиане! Вы, от юности Христа Бога возлюбивше, не враче­вания токмо искусство, но паче неоскудную благодать ис­целения всяких недугов от Бога прияли есте. Темже и нас, пред честною иконою вашею припадающих, скоро услыши­те. Юныя дети, вашея помощи во учении книжнем просвящия, молитвами своими наставите, да вашему житию ревнующе, не земное точию приобрящут, но паче во благочес­тии и правей вере непрестанно да преспевают. На одре болезни лежащим, в человечестей помощи отчаявшимся, к вам же тепле с верою и усердною молитвою прибегающим, исцеление болезней вашим милостивым чудодейственным посещением даруйте; такожде и от лютых недуг во уныние, малодушие и роптание пришедшия данною вам от Бога бла- годатию в терпении утвердите и наставите, да уразумеют волю о них Божию святую и совершенную, и причастницы соделаются Божия спасительныя благодати. Братию святаго храма сего, вашему святому заступлению от Бога вручен­ную, и всех к вам усердно прибегающих от болезней лютых невредимы сохраните, и от внезапный смерти оградите, и мощным ходатайством вашим к Богу в правей вере тверды соблюдите, во благочестии же преспеюще, да с вами вкупе сподобятся в будущем веце присно воспевати и славити всесвятое и великолепое имя Отца и Сына и Святаго Духа во веки веков. Аминь.

 

МОЛИТВА ПРОРОКУ ИОАННУ, ПРЕДТЕЧЕ

И КРЕСТИТЕЛЮ ГОСПОДНЮ

(при головной боли)

(7/20 января; 24 июня/7 июля; 29 августа/11 сентября)

 

Св. Иоанн Предтеча был обезглавлен в темнице по при­казу царя Ирода (Мф. 14, 3-12) Один взгляд на изображе­ние его страдальческой главы располагает искать у него помощи в болезнях головы.

 

 

 

Молитва

 

Крестителю Христов, проповедниче покаяния, кающагося не презри мене, но, совокуплялся с вой Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есьм вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господам, по Богородице, вем болына быти рожденных всех: ты бо спо­добился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да ноне отныне, в первый-надесять час, понесу тяго­ту благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением, понеже обоего началь­ник еси, крещением омываяй грех, покаяние же пропове- дуяй во очищение коегождо дел скверных; очисти убо мя, грехми оскверненнаго, и понуди внити, аможе ничто же скверно входит, в Царствие Небесное. Аминь.

 

МОЛИТВА СВЯТИТЕЛЮ ГУРИЮ,

АРХИЕПИСКОПУ КАЗАНСКОМУ

(болезни головы)

(4/17 октября; 5/18 декабря)

 

Архиепископ Гурий при жизни претерпел гонения, скор­би и болезни. После открытия его святых мощей верующие получают по молитвам святителя исцеление от многих бо­лезней, в том числе болезней головы.

Молитва

 

Святителю отче Гурие! Предстояще честному образу тво­ему (или: священней раце многоцелебных мощей твоих), молим тя усердно: буди всегда и повсюду наш ходатай, зас­тупник и покровитель. Исходатайствуй пастве твоей мир, тишину и благоденствие, здравие же и спасение. Буди при­сный наш заступник от всех враг видимых и невидимых: покрывай нас от нахождения всех бед, напастей и скорбей, паче же от искушений врага темнаго. Предстоящим же зде и молящимся испроси у Господа Бога вся, яже ко спасению своему тии просят у Него в своих нуждах и скорбех, да вси мы с тобою прославляем всесвятое имя Отца и Сына и Святаго Духа, ныне и присно и во веки веков. Аминь.

 

МОЛИТВА БОЖИЕЙ МАТЕРИ,

ПРЕД ИКОНОЙ ЕЕ КАЗАНСКОЙ

(при слепоте или иной болезни глаз)

(8/21 июля; 22 октября/4 ноября)

 

Чрез эту чудотворную икону, явленную в Казани в 1579 г. (она была чудесно обретена в земле), Богоматерь явила Свою чудодейственную силу в исцелении больных. Первыми чу­десами от иконы были исцеления глазных болезней.

 

Молитва

 

О Пресвятая Госпоже Владычице Богородице! Со стра­хом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе. Умоли, Милосердая Мати, Сына Твоего и Бога на­шего, Господа Иисуса Христа, да сохранит мирно страну на­шу, Церковь Свою Святую да незыблему соблюдет от неве­рия, ересей и раскола. Не имамы бо иныя помощи, не имамы иныя надежды, разве Тебе, Пречистая Дево, Ты еси Все­сильная христиан Помощница и Заступница. Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от на­прасный смерти. Даруй нам дух сокрушения, смирение сер­дца, чистоту помышлений, исправление греховныя жизни и оставление прегрешений, да вси, благодарив воспевающе величия Твоя, сподобимся Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа. Аминь.

 

МОЛИТВА БЛАЖЕННОМУ ВАСИЛИЮ,

ХРИСТА РАДИ ЮРОДИВОМУ,

МОСКОВСКОМУ ЧУДОТВОРЦУ

(2/15 августа)

 

Святые мощи блаженного Василия прославились мно­гочисленными исцелениями, в том числе глазных болезней.

 

Молитва

 

О великий угодниче Христов, истинный друже и верный рабе Всетворца Господа Бога, преблаженне Василие! Услыши ны, многогрешный, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостой­ное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невре­димо от видимых и невидимых врагов безгрешно преити, и христианскую кончину, непостыдну, мирну, безмятежну, и Небеснаго Царствия наследие получити со всеми святы­ми во веки веков. Аминь.

 

МОЛИТВА МУЧЕНИКУ ЛОНГИНУ, СОТНИКУ

(болезни глаз)

(16/29 октября)

 

Римский сотник Лонгин был со своими воинами при­ставлен служить при распятии Господа Иисуса Христа. Ока­завшись свидетелем совершившихся при этом чудес, он ис­поведал, что Христос есть Сын Божий (Мф. 27, 54). По преданию, Лонгин был тем воином, который пронзил реб­ра распятому Господу и «от истекшей крови и воды полу­чил исцеление больных глаз». Первым чудом от его усечен­ной мечом главы было прозрение ослепшей женщины.

 

Молитва

 

О святый угодниче Божий, мучениче Лонгине! Подви­гом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавлынеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

 

 

МОЛИТВА ПРЕПОДОБНОМУ ИОАННУ РЫЛЬСКОМУ

(при онемении языка)

(19 октября/1 ноября)

 

Преподобный вел подвижническую жизнь пустынника и сподобился от Бога дара чудотворения. Его нетленные мощи были положены в венгерском городе Остригоме. Ме­стный архиепископ, не признававший святости преподоб­ного Иоанна, был наказан внезапным онемением языка. Испросив прощения у святого, он был избавлен от немоты.

Тропарь, глас 8

 

В тебе, отче, известно спасеся еже по образу: приим бо Крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобие Иоанне, дух твой.

 

Молитва

 

О пречестная главо и благодати Святаго Духа исполнен­ная, Спасово со Отцем обиталище! Предстоя у Престола всех царя и наслаждайся света Единосущныя Троицы и херувим­ски со Ангелы возглашая песнь трисвятую, великое же и неизследованное дерзновение имея, молися о нас Всемило­стивому Владыце. Веру святую непорочну соблюди, грады наша утверди, мир весь предстательством твоим умири, от глада и пагубы избави ны, и от нападения иноплеменных сохрани ны; старыя утеши, юныя настави, безумныя умуд­ри, вдовицы помилуй, сироты заступи, младенцы воспитай; и вся люди твоя сохрани от сех напастей. И в день Страшнаго Суда от шуия части избави ны, и сдесными овцами быти молитвами твоими устрой нас, паче же сподоби ны услышати блаженный оный глас от Владыки Христа: при- идите, благосло'веннии Отца Моего, наследуйте уготован­ное вам Царствие от сложения мира, во веки веков. Аминь.

 

МОЛИТВА СВЯЩЕННОМУЧЕНИКУ АНТИПЕ,

ЕПИСКОПУ ПЕРГАМА АСИЙСКОГО

(при зубной боли)

(11/24 апреля)

 

О нем Господь говорит в Апокалипсисе: «...умерщвлен верный свидетель Мой Антипа» (Откр. 2, 13). Брошенный язычниками в раскаленного медного вола (как жертва идо­лу), св. Антипа спокойно отошел ко Господу, мощи его не пострадали от огня и стали источником многочисленных исцелений. Особенно часто прибегают к священномучени- ку Антипе при зубных болях.

 

Молитва

 

О преславный священномучениче Антипо и скорый помощниче христианом в болезнех! Верую от всея души и по­мышления, яко дадеся тебе от Господа дар болящия исцеляти, недугующия врачевати и разслабленныя укрепляти. Сего ради к тебе, яко благодатному врачу болезней, аз, не­мощный, прибегаю и, твой досточтимый образ с благогове­нием лобызая, молюся: твоим предстательством у Царя Небеснаго испроси мне, болящему, исцеление от удручающия мя зубныя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к бла­гому житию, уврачуй обильно дарованною тебе благодатию язвы и струпы души и тела моего, даруй ми здравие и спа­сение и во всем благое поспешение, да, тако тихое и безмол­вное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа. Аминь.

 

МОЛИТВА ПРЕПОДОБНОМУ ВАСИЛИЮ НОВОМУ

(от лихорадки)

(26 марта/8 апреля)

 

Преподобный Василий Новый при своей жизни исцелял людей от лихорадки.

О священная главо, преподобие отче, преблаженне авво Василие! Не забуди убогих твоих до конца, но поминай нас всегда во святых твоих и благоприятных молитвах к Богу! Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю; не премолчи за ны ко Господу, и не презри нас, верою и любовию чтущих тя. Поминай нас недостойных у Престола Все­держителя, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши. Не отступай от нас духом, сохраняя нас от стрел вражиих и всякия прелести бесовския и козней диавольских. Пастырю наш добрый. (Аще бо и мощей твоих рака пред очима нашима видима есть все­гда, но) святая твоя душа со Ангельскими воинствами, со Безплотными лики, с Небесными силами, у Престола Вседержителева предстоящи, достойно веселится. Ведуще убо тя воистинну и по смерти жива суща, тебе припадаем и тебе молимся: молися о нас Всесильному Богу, о пользе душ на­ших, и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки избавимся, и Небеснаго Царствия наследницы да будем со всеми праведными, от века угодившими Богу нашему Иисусу Христу; Емуже подобает всякая слава, честь и поклонение, со Безначаль­ным Его Отцем и Пресвятым и Благим и Животворящим Его Духом, ныне и присно и во веки веков. Аминь.

МОЛИТВА ПРЕПОДОБНОМУ СЕРАФИМУ

САРОВСКОМУ, ЧУДОТВОРЦУ

(при болях в пояснице)

(2/15 января; 19 июля/1 августа)

 

Проходя пустынническое житие, преподобный подвер­гся нападению разбойников, которые, требуя денег, изби­ли его до полусмерти: «голова его была проломлена, ребра перебиты, грудь оттоптана, все тело по разным местам покрыто смертельными ранами...» Исцеленный Пресвятой Богородицей, преподобный Серафим на всю жизнь остался согбенным, «что еще и ранее замечалось в нем, после того, как однажды при рубке он был придавлен деревом». Ему молятся при болях в пояснице.

 

Молитва

 

О пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отыде, но в сем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных тру­дов к Небесному упокоению, николиже любы твоя преста от нас, и невозможно есть исчислити чудеса твоя, умножившася, яко звезды небесныя: се бо по всем концем земли на­глея людем Божиим являешися и даруеши им исцеления. Темже и мы вопием ти: о претихий и кроткий угодниче Бо­жий, дерзновенный к Нему молитвенниче, николиже при- зывающия тя отреваяй! Возноси о нас благомощную твою молитву ко Господу Сил, да дарует нам вся благопотребная в жизни сей и вся к душевному спасению полезная, да огра­дит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, итамо воспевати со всеми святыми Живоначальную Троицу во веки веков. Аминь.

 

МОЛИТВА ПРЕПОДОБНОМУ ИПАТИЮ ПЕЧЕРСКОМУ, ЦЕЛЕБНИКУ

(при женском кровотечении)

(31 марта/13 апреля)

 

О священная главо, преподобие отче, преблаженне авво Ипатие! Не забуди убогих твоих до конца, но поминай нас всегда во святых твоих и благоприятных молитвах к Богу! Помяни стадо твое, еже сам упасл еси, и не забуди посеща

ти чад твоих. Моли за ны, отче священный, за дети твоя духовныя, яко имеяй дерзновение к Небесному Царю; не премолчи за ны ко Господу, и не презри нас, верою и любовию чтущих тя. Поминай нас недостойных у Престола Все­держителя, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. (Аще бо и мощей твоих рака пред очима нашима видима есть все­гда, но) святая твоя душа со Ангельскими воинствами, со Безплотными лики, с Небесными силами, у Престола Все- держителева предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся: молися о нас Всесильному Богу, о пользе душ на­ших, и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки да избавимся, и Не- беснаго Царствия наследницы да будем со всеми правед­ными, от века угодившими Богу нашему Иисусу Христу; Емуже подобает всякая слава, честь и поклонение, со Без­начальным Его Отцем и с Пресвятым и Благим и Животво­рящим Его Духом, ныне и присно и во веки веков. Аминь.

 

МОЛИТВА БОЖИЕЙ МАТЕРИ

ПРЕД ИКОНОЙ ЕЕ «ВСЕЦАРИЦА»

(при раковой болезни)

(15/28 августа)

 

Чудотворная икона Пресвятой Богородицы, именуемая «Всецарица» («Пантанасса»), была написана в XVII веке и находится в одном из монастырей святой Горы Афон. Об­раз широко почитается и за пределами Греции. Через него Матерь Божия подает всем прибегающим к Ее заступлению исцеление от раковых болезней. Этот особый дар подтвер­ждают тысячи случаев исцеления от рака. В Москве почитаемый список «Всецарицы» находится в храме Всех Свя­тых бывшего Алексеевского монастыря.

 

Молитва

 

О Пречистая Богомати, Всецарице! Услыши многоболез­ненное воздыхание наше пред чудотворною иконою Твоею, из удела Афонскаго в Россию пренесенною, призри на чад Твоих, неисцельными недуги страждущих, ко святому об­разу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди Тамо, иде­же лютыя скорби превозмогают, Терпение и Ослабою яви­ся. Тамо, идеже мрак отчаяния в души вселися, да возсияет неизреченный Свет Божества Малодушныя утеши, немощныя укрепи, ожесточенным сердцам умягчение и просвеще­ние даруй. Исцеление земнаго жития твоего многия на путь правый наставивый и в Царствие Небесное мудре руководивый, скорбныя утешивый, падающим подавый руку помо­щи и всем любезен, милостив и сострадателен отец бывый, ты ныне, в Небесней пребывая светлости, наипаче умножа­вши любовь твою к нам, немощным, в мори житейстем раз­личие бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити, да тако немокренно прейдем житейскую пучи­ну и предстательством твоим ко Господу сподобимся дос­тигнута обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.

 

МОЛИТВА МУЧЕНИКУ ВИТУ РИМСКОМУ

(при падучей болезни — эпилепсии)

(15/28 июня)

 

Будучи 12-летним отроком, св. Вит обладал силой чудотворения и исцеления разных болезней. К нему приносилибесноватых, сотрясаемых ужасными припадками; св. Вит исцелял их молитвой и крестным знамением. Мученику Биту молятся при падучей болезни.

 

Молитва

 

О святый угодниче Божий, мучениче Вите! Подвигом добрым подвизався на земли, восприял еси на Небесех ве­нец правды, егоже уготовал есть Господь всем любящим Его. Темже взирающе на святый твой образ, радуемся о пре- славнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавлынеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

МОЛИТВА ПРЕПОДОБНОМУ ИРИНАРХУ,

ЗАТВОРНИКУ РОСТОВСКОМУ

(при бессоннице)

(13/26 января)

 

Преподобный Иринах, находясь в затворе, проводил бес­сонные ночи в молитвенном бдении.

Молитва

 

О великий угодниче Божий и преславный чудотворче, преподобне отче наш Иринарше! Призри на ны, грешныя, в скорбех и обстояниих наших усердно к тебе вопиющия и на тя по Бозе все упование наше возлагающия. Просим тя со умилением многим: твоим предстательством ко Господу Богу испроси нам мир, долгоденствие, братолюбие, земли плодоносне, воздуха благорастворение, дожди благовременны и свыше благословение на вся начинания наша благая. Избави же всех нас святыми твоими молитвами от всяких бед: глада, града, потопа, огня, меча, вредоноснаго червня, тлетворных ветров, смертоносныя язвы и напрасныя смер­ти и во всяких скорбех наших буди нам утешитель и помощ­ник, сохраняя ны от падений греховных и сподобляя на­следники быти Царствия Небеснаго, да прославляем вкупе с тобою всех благих Подателя, Триединаго Бога Отца и Сына и Святаго Духа, во веки веков. Аминь.

 

МОЛИТВА СЕМИ ОТРОКАМ ЕФЕССКИМ

(о младенце неспящем)

(4/17 августа)

 

Молятся юным воинам-христианам: Максимилиану, Иамалиху, Мартиниану, Иоанну, Дионисию, Ексакустодиану (Константину) и Антонину. Во время гонений на хрис­тиан отроки тайно удалились в пещеру (находившуюся в горе недалеко от Ефеса), где молили Бога укрепить их в предстоящем подвиге исповедничества. Здесь, по воле Божией, они уснули «дивным и необычайным сном... Святые уснули сном смертным, души же их хранились в руце Божией». По прошествии многих лет, когда прекратились гонения на христиан, юноши пробудились живыми, невре­димыми и «сияющими красотой». Св. отрокам Ефесским молятся при бессоннице, особенно о младенце неспящем.

Молитва

 

О пречуднии святии седмочисленнии отроцы, Ефеса гра­да похвало и всея вселенныя упование! Воззрите с высоты Небесныя славы на ны, любовию память вашу чтущия, наи­паче же на младенцы христианския, вашему заступлению от родителей своих препорученный. Низведите на ня бла­гословение Христа Бога, рекшаго: оставите детей приходи­ти ко Мне. Болящия убо от них исцелите, скорбящия уте­шите. Сердца их в чистоте соблюдите, кротостию исполните я и в земли сердец их зерно исповедания Божия насадите и укрепите во еже от силы в силу им возрастати. И всех нас святей иконе вашей предстоящих, мощи же ваша с верою лобызающих и тепле вам молящихся, сподобите Царствие

Небесное улучити и немолчными гласы радования тамо прославляти великолепое Имя Пресвятыя Троицы, Отца и Сына и Святаго Духа, во веки веков. Аминь.

 

МОЛИТВА БЛАЖЕННОМУ АНДРЕЮ,

ХРИСТА РАДИ ЮРОДИВОМУ

(при лишении ума)

(2/15 октября)

 

Блаженный Андрей принял на себя подвиг юродства, т. е. мнимого безумия, дабы подвергаться оскорблениям и гонени­ям от людей. Блаженный сподобился дара прозрения и исце­ления различных болезней. Ему молятся об умалишенных.

 

Молитва

 

О святый угодниче Божий, блаженне Андрее! Подвигом добрым подвизався на земли, восприял еси на Небесех ве­нец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавлыпеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

 

МОЛИТВА ПРЕПОДОБНОМУ АХИЛЕ,

ДИАКОНУ ПЕЧЕРСКОМУ

(от чревоугодия)

(4/17 января)

 

Преподобный Ахила прославился как великий постник. Он не ел вареной пищи, а во время поста вкушал только просфоры. К его помощи прибегают жаждущие избавиться от чревоугодия и желающие научиться воздержанию.

 

Молитва

 

О священная главо, преподобне отче, преблаженне авво Ахило! Не забудн убогих твоих до конца, но поминай нас всегда во святых твоих и благоприятных молитвах к Богу! Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю; не премолчи за ны ко Господу, и не презри нас, верою и любовию чтущих тя. Поминай нас недостойных у Престола Все­держителя. И не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребывавши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. (Аще бо и мощей твоих рака пред очима нашима видима есть все­гда, но) святая твоя душа со Ангельскими воинствами, со Безплотными лики, с Небесными силами, у Престола Вседержителева предстоящи, достойно веселится. Ведуще убо тя воистинну и по смерти жива суща, тебе припадаем и тебе молимся: молися о нас Всесильному Богу, пользе душ на­ших, и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Богу нашему Иисусу Христу; Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

 

МОЛИТВА БОЖИЕЙ МАТЕРИ ПРЕД ИКОНОЙ ЕЕ «НЕУПИВАЕМАЯ ЧАША»

(от пьянства)

(5/18 мая)

 

Первое чудо от этой святой иконы, находящейся в муж­ском монастыре в г. Серпухове, произошло в 1878 г.: чрез нее получил исцеление от многолетнего недуга пьянства крестьянин из Тульской губернии. С тех пор многие страж­дущие получили исцеление от этой святыни.

 

Молитва за болящего, одержимого недугом пьянства,

ко Пресвятой Богородице ради чудотворной Ея иконы

«Неупиваемая Чаша»

 

О, примилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея - Церкви Хри­стовой и спасения отпадающих, братьев и сестер и сродник наших исцели.

О, милостивая Мати Божия, коснись сердец их и скоро возстави от падений греховных, ко спасительному воздер­жанию приведи их.

Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.

Приими, Пресвятая Богородице, молитвы матерей, о чадах своих слезы проливающих, жен, о мужех своих ры­дающих, чад, сирых и убогих, заблудшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго.

Покрый и соблюди нас от лукавого ловления и всех коз­ней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас ми­лость Божия в нескончаемые веки веков. Аминь.

 

МОЛИТВА ОБ ИЗЛЕЧЕНИИ

КО ПРЕСВЯТОЙ БОГОРОДИЦЕ

 

О Пресвятая Госпоже Владычице Богородице! Воздвиг­ни нас, раб Божиих (имена, имя) из глубины греховныя и избави нас от внезапныя смерти и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко дер­жава Его благословенна со Отцем и Пресвятым Его духом.

 

МОЛИТВА СВЯТИТЕЛЮ ТИХОНУ,

ЕПИСКОПУ ВОРОНЕЖСКОМУ,

ЗАДОНСКОМУ ЧУДОТВОРЦУ

(от плотской (блудной) страсти для мужчин, от беснования)

(13/26 августа)

От мощей святителя Тихона получали исцеление бесно­ватые.

О всехвальный святителю и угодниче Христов, отче наш Тихоне! Ангельски пожив на земли, ты яко Ангел благий явился еси и в дивнем твоем прославлении. Веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, обильно дарованною тебе от Господа, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающего нас суес­ловия и суемудрия, неправоверия и зловерия человеческаго. Потщися, скорый о нас предстателю, благоприятным твоим ходатайством умолити Господа, да пробавит Своя великия и богатыя милости на нас, грешных и недостой­ных рабех Своих, да уврачует Своею благодатию неисцеленыя язвы и струны растленных душ телес наших, да ра­створит окаменелая сердца наша слезами умиления и сокрушения о премногих согрешениих наших и да избавит ны вечных мук и огня геенскаго; всем же верным людем своим да дарует в нынешнем веце мир и тишину, здравие и спасение и во всем благое поспешение, да тако тихое и без­молвное житие поживше во всяком благочестии и чистоте, сподобимся со Ангелы и со всеми святыми славити и воспе- вати всесвятое имя Отца и Сына и Святаго Духа, во веки веков. Аминь.

 

МОЛИТВА АНГЕЛУ-ХРАНИТЕЛЮ

 

Тропарь, глас 6

 

Ангеле Божий, Хранителю мой святый, живот мой со­блюди во страсе Христа Бога, ум мой утверди во истиннем пути и к любви горней уязви душу мою, да, тобою направ­ляем, получу от Христа Бога велию милость.

Молитва

 

Ангеле Божий, хранителю мой святый, на соблюдение мне от Бога с Небесе данный, прилежно молю тя: ты мя днесь просвети. И от всякаго зла сохрани, ко благому дея­нию настави, и на путь благий направи. Аминь.

 

МОЛИТВА ПРАВЕДНЫМ ИОАКИМУ И АННЕ,

РОДИТЕЛЯМ ПРЕСВЯТОЙ БОГОРОДИЦЫ

(в супружеском неплодстве)

(9/22 сентября)

 

О приснославнии Христовы праведницы, святии богоот- цы Иоакиме и Анно, предстоящий Небесному Престолу великаго Царя и велие дерзновение к Нему имущии, яко от преблагословенныя Дщере вашея, Пречистыя Богородицы и Приснодевы Марии, воплотитися изволившему! К вам, яко многомощным предстателем и усердным о нас молит­венникам, прибегаем мы грешнии и недостойнии. Молите благость Его, яко да отвратит от нас гнев Свой, по делом нашим праведно на ны движимый и да безчисленная пре­грешения наша презрев, обратит нас на путь покаяния, и на стези заповедей Своих да утвердит нас. Таже молитвами вашими в мире живот наш сохраните и во всех благих бла­гое поспешение испросите, вся яже к животу и благочес­тию потребная нам от Бога дарующе, от всяких напастей и бед и напрасныя смерти предстательством вашим нас избавляюще и от всех враг видимых и невидимых защищающе, яко да тихое и безмолвное житие поживем во всяком бла­гочестии и чистоте, и тако в мире временное сие житие прешедше в вечный достигнем покой, идеже вашим святым умолением да сподобимся Небеснаго Царствия Христа Бога нашего, Емуже со Отцем и Пресвятым Духом подобает вся­кая слава, честь и поклонение во веки веков. Аминь.

 

МОЛИТВА ПРОРОКУ ЗАХАРИИ

И ПРАВЕДНОЙ ЕЛИСАВЕТЕ,

РОДИТЕЛЯМ СВ. ИОАННА ПРЕДТЕЧИ

(5/18 сентября)

 

      Они также познали горькое неплодство (Лк. 1,5-7).

 

Молитва

 

Освятии угодницы Божии, пророче Захарие и правед­ная Елисавето! Подвигом добрым подвизавшая на земли, восприяли еста на Небесех венец правды, егоже уготовал есть Господь всем любящим Его. Темже взирающе на святый ваш образ, радуемся о преславнем скончании житель­ства вашего и чтем святую память вашу. Вы же, предстоя Престолу Божию, приимите моления наша и ко Всемилос­тивому Богу принесите, о еже простити нам всякое прегре­шение и помощи нам стати противу кознем диавольским, да избавлыпеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством вашим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

 

МОЛИТВА БОЖИЕЙ МАТЕРИ ПРЕД ИКОНОЙ

ЕЕ « МЛЕКОПИТАТЕЛЬНИЦА »

(о кормлении младенца материнским молоком)

(12/25 января)

 

На ней Пресвятая Богородица изображена питающею млеком Сына Своего.

Приими, Госпоже Богородительнице, слезная моления рабов Твоих, к Тебе притекающих. Зрим Тя на святей ико­не, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сы­нов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас греш­ных, осужденных в болезнех родити и в печалех питати чада наша, милостивно пощади и сострадательно заступи, мла­денцы же наша такожде и родившия их, от тяжкаго недуга и горькия скорби избави. Даруй нам здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощныя люди Твоя: прибегающия нас болезни скоро исцели, належащия на нас скорби и печали утоли, и не презри слез и воздыханий ра­бов Твоих. Услыши нас в день скорби пред иконою Твоею припадающих, и в день радости и избавления приими бла­годарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою веду­щим Имя Его, яко да и мы, и чада наша, прославим Тя, ми­лосердую Заступницу и верную Надежду рода нашего во ве­ки веков. Аминь.

 

Joomla Templates: by JoomlaShack